San fè dyòl di ni vòltije, san fè karate, san mawonaj ni kraze kò, Kò likid mennen nou nan laboratwa lavi nap chak jou. Li ka kondui wout yob bèl pwezi, dous, lejè ak yon puisans tou nèf. Yon souf literati kreyòl la potko konnen.
Ak zak malonèt, ak mannigèt nou fè chak jou, Duckens Charitable andoye nou, jamè nou p ap gade kò nou menm jan ankò. Jamè lavi p ap menm lè nou fin li Kò likid. Se kom si powèt la ta vle fè nou sonje: viv, renmen, mouri enpi viv ankò, depann de swaf nou. De limit nou.
Konsa, nan Kò likid nou ka mele je klè powèt la ak rèv nou, kò nou ak kò pa l. Nou ka konfonn likid ak dlo je, ak bave, ak fè lanmou. Nou ka menm bliye tèt nou. Enpi san krent, nou ka pran powèm sa yo, siyen anba yo, reklame yo chèmèt chèmètrès.
Coutechève Lavoie Aupont